How the Internet Work ?
كيفاش كيخدم الانترنيت ؟

السلام عليكم ورحمة الله تقبل الله منا ومنكم الصيام ♥️🥀 أنا علي الرشم أو ليوما رجعت ليكم بشرح جديد ♥️ الموضوع ديال هاد النهار هو كيفاش كيخدم الأنترنيت بكل اختصار غاندويو على structure network . عمر جالك هاد الأسئلة فبالك : - منين كايجي الأنترنيت ؟ كيفاش كايخدم شبكة الأنترنيت ؟ شناهو الحجم ديال الانترنت ؟ شكون لي اخترع الأنترنيت ؟ هادشي كامل غانجاوبو عليه فهاد البوسط ♥️ قبل مانبداو ضروري يكون عندكم واحد التصور واقعي لحجم الأنترنيت خليني نقوليكم بلي كاين ما يقارب 5exabytes ديال المعلومات فليوم كتم تداول ديالها فالأنترنيت 5 exabytes = 1000 Petabyte = 1B gigabyte باش نعطيكم واحد تصور لي قريب خليني نقولكم بلي هاد 5 exabytes كيعادلو 40000 فيلم لمدة ديالو ساعتين ديال المعلومات رقم لي كبييير بزاااف . أو الكابلات لي كتوصل لينا الانترنت فالعالم الطول ديالها ما بين 130km حتى 19000km . دابا اندوزوو كيفاش كيوصل لينا هاد الأنترنيت الأنترنت كيوصل لينا عن طريق isp أو internet service provider بالعربية مزود خدمة الأنترنت بحال اتصالات المغرب و أورونج الخ... والأنترنت أو هو واصل ليك كيدخل لراوتر ديالك راوتر ديالك كايكون فيه الخيط ديال ligne لي كيكون مربوط مع مزود الخدمة أو هاد الخيط كايكون يائما نحاس adsl أولا fibre optique الفرق مابين النحاس و الفايبر. ان النحاسdata كاتمشي فيه عن طريق الإشارة الكهربائية . أما الفيبر كايكون الخيط ديالو رقيق بزااف و data كضتمشي فيه عن طريق الضوء أو هادا لي كايخليه سريع على adsl . بالنسبة للهاتف ف data ديالو كتنتقل عبر موجات الراديو لي كتوصل لبرج الإتصالات أو داك البرج كايكون مربوط بالكابل ديال مزود الخدمة أو data فلخر راها 0و 1 0مدايز الكهرباء 1 دايز الكهرباء دابا غانكونو فهمنا منين واصل لينا الانترنت وكن داك مزود الخدمة منين واصلاه بالسلامة🙂 الحقيقة وهي أنه حتا هو جايبو من مزود خدمة واحد أخور 😂 الفكرة لي بغيت نوصل ليكم هي أن ماكاينش مزود خدمة مركزي شاد العالم كامل حنا كانتعتابرو وصلات لي كيشكلو شبكة الانترنت. دابا أيجي واحد التساؤل كيفاش هاد الوصلات كامل مكتغلطش أو كاتوصل data لبلاصة لي بغيناها . هادشي كايتم عن طريق ip adrees هاد العنوان كايكون فريد من نوعه أو كايكون خاص بالبلاصة لي موصل منها بشبكة الانترنت يعني ip adresse معتمد على البلاصة لي نتا فيها دابا فهمنا بلي كل جهاز عندو عنوان معين دابا كيفاش كتم عملية التسليم والإستلام . خلينا نتخيلو اننا داخلين باغيين نقلبو على شي حاجة فغوغل أو كانكتب مثلا www.google.com فراك نتا كاتكتب ال ip adress ديال غوغل أو نتا مفخباركش حيتاش كاينة واحد الحاجة سميتها DNS اختصار ل domain name server غالبا هاد dns كاناخدوه حتا هو من مزود الخدمة الفكرة ديال هاد dns هو أنه داير بحال شي قاموس ولا معجم ديال الجهاز هو كايكون عندو جميع ip adresse و الأسماء ديال المواقع المرادفة لديك ip adresse يعني راك تقدر دخل المتصفح أو بلاصت ماتكتب دومين ديالو تكتب ip ديالو أو راه غايطلع ليك نفس النتيجة يعني أن dns كيسهل علينا باش غاع منحفدو جميع ip adresse لي كيكونو عبارة عن بزااف دالأرقام المعقدة . دابا نكولو أننا دخلنا لهاد غوغل أو بغينا نبحثو على شيء معين فراه داكشي لي كيوقع خلف الكواليس معقد بزااف فراه ip adresseديالك كيسيفط ل ip adreess ديال غوغل واحد الرسالة. الرسالة كاتمشي من الكمبيوتر لي مسيطها منو أو كدوز على الراوتر مرورا بمزود الخدمة أو كادوز من العناوين الثانية حتا كتوصل ل ip adresse لي باغي توصل ليه الرسالة أو هادشي راك تقدر ديرو ب terminal كتب traceroute google.com كيفما موضح بالصورة1 لتحت .

من بعد ما الرسالة كتوصل لسيرفر كيفتحها أو كايشوف الطلب لي بغيت أو كيرد عليا بواحد الحاجة سميتها reponse أو هاد عملية مشروحة فالصورة 2 .

دابا غانكونو عرفنا الحجم ديال الانترنت أو كيفاش كايخدم. هو صراحة هاد الأنترنيت مكانش كايخدم بحال هاكا شحال هادي أو غادي نشوفو شكون لي اخترع الأنترنيت أو شناهي مراحل التطور ديالو حتا ولينا كانشوفوه بهاد الصورة ليوم. هنا غادي نعرض عليكم واحد المقال تاريخي 😂😂 في سنة 1957 طلق الإتحاد السوفياتي أول قمر صناعي من صنع الإنسان أو كان سميتو سبوتنيك أو هنا ميريكان باش سمعات لخبار بدات كاتفقس أو هيا تنوض حتا هي أو صاوبات وكالة المشاريع البحثية المتقدمة سابقا كانت تدعى arpa أما دابا ولات سميتها darpa أو هاد الوكالة هي المسؤولة عن تطوير التكنولوجيات لي كيستخدمها الجيش الأمريكي تأسيس ديالو كان سنة 1958 و الهدف ديالو هو اعطاء امريكا أفضلية عن باقي الدول فالنتكنولوجيا ف 1969 كانوا 4 ديال الجامعات فأمريكا لي عندهم حواسيب هاد الجامعات كانت كاتخدم arpa أو هما فكرو انهم يوصلو دوك الكمبيوترز ببعض عن طريق أول شبكة غادي تكون فالعالم شبكة arpanet أو هما يبغاو يجربو هاد الشبكة رسلو اول رسالة من كمبيوتر فجامعة يوسيف ف كاليفورنيا لجامعة ستانفورد المضحك فالأمر أنهم رسلو رسالة login فقط أو ماوصلش منها غير حرف lo أو من بعدها سيستام كامل طاح من بعد فسنة 1971 تم ارسال أول ايمايل من واحد خونا نسيت على سميتو أو كانت أول مرة غادي تستعمل علامة @ بحال شي طاغ لشي واحد أو من بعدها لعلم تطور أو ولاو كيرسلو الdata عن طريق الأمواج الراديو كيفما شرحنا لفوق 👆. لمهم هادا هو الشرح ديال ليوما كانتمنى يكون عجبكم أو تكونو استافدتوا منو شي حاجة .